جون ایلیا

جی ہی جی میں وہ جل رہی ہوگی​

چاندنی میں ٹہل رہی ہوگی​

​

چاند نے تان لی ہے چادرِ ابر​

اب وہ کپڑے بدل رہی ہوگی​

​

سو گئی ہوگی وہ شفق اندام​

سبز قندیل جل رہی ہوگی​

​

سرخ اور سبز وادیوںکی طرف​

وہ مرے ساتھ چل رہی ہوگی​

​

چڑھتے چڑھتے کسی پہاڑی پر​

اب وہ کروٹ بدل رہی ہوگی​

​

پیڑ کی چھال سے رگڑ کھا کر​

وہ تنے سے پھسل رہی ہوگی​

​

نیلگوں جھیل ناف تک پہنے​

صندلیں جسم مل رہی ہوگی​

​

ہو کے وہ خوابِ عیش سے بیدار​

کتنی ہی دیر شل رہی ہوگی​

​